काठमाडौं ।गंगा दाहालले नेकपा (माओवादी केन्द्र) का संयोजक पुष्पकमल दाहाल ‘प्रचण्ड’ को सचिवालयबाट राजीनामा दिएकी छन्।

सोमबार सामाजिक सञ्जालमार्फत उनले प्रचण्डको सचिवालयबाट राजीनामा दिएको जानकारी दिएकी हुन ।

प्रकाश दाहालको निधनपछि उनैले प्रचण्डको सचिवालय हेर्दै आएकी थिइन्।उनले आफूलाई देखाएर माओवादी केन्द्र र त्यसका संयोजक प्रचण्डविरूद्ध योजनाबद्ध प्रहार भएका कारण राजीनामा दिएको बताएकी छन्।

‘मलाई देखाएर नेकपा (माओवादी केन्द्र)का संयोजक प्रचण्ड र समग्र पार्टीविरुद्ध योजनावद्ध प्रहार भइरहेका कारणले यस्तो अवस्थामा मैले सचिवालयको जिम्मेवारीबाट बाहिरिदा नै बुवा, पार्टी र आन्दोलनको लागि राम्रो होला भन्ने निस्कर्षमा पुगेर बुवाको सचिवालयबाट राजिनामा दिएको छु’ उनले भनेकी छन्।

संयोजक प्रचण्डको सचिवालयबाट राजीनामा दिए पनि आजीवन पार्टीमा क्रियाशील हुने उनको भनाई छ ।